Dövlət İqtisad Universiteti -
Azərbaycan Dövlət İqtisad Universitetinin Kitabxanası
Kitabxananın kitablarına bax
YARANMA TARİXİ
AzDİU-nun kitabxanası hələ 1930-cu ildə ali məktəbin əsası
qoyularkən yaradılıb. Lakin institutun bir neçə dəfə bağlanması,
başqa ali məktəblərə birləşdirilməsi, tədris binalarının
yerinin dəyişdirilməsi nəticəsində kitabxana fonduna xeyli
zərər dəyib. Ancaq buna baxmayaraq, yenidən kitabxana fondu yaratmaq
mümkün olub. İndiki əsaslı kitabxana 1966-cı ildə formalaşdırılıb.
Kitabxana fondunun əsas hissəsini klassiklərin əsərləri,
müasir elmi nailiyyətləri əks etdirən monoqrafiyalar, müxtəlif
məlumat ədəbiyyatı təşkil edir. Kitabxana fondunda 311.235
ədəbiyyat var. Bunun 265.921-i kitab, 26207-si broşur, 10914-ü
jurnal, 21-i qəzet, 4039-u isə proqramdır. Azərbaycan dilində
ədəbiyyat 49097 ədəd, rus dilində 258.373 ədəd, digər xarici
dillərdə isə 3765 ədəddir. 2002-ci il ərzində bu fonddan
100.000 ədəbiyyat köhnəldiyinə və məzmununu itirdiyinə görə
silinib.
2001-ci ilin sentyabr ayından Universitetdə İnformasiya texnologiyaları
üzrə ilk kitabxana "EKSON Azərbaycan" əməliyyat şirkəti MMM
və Yaponiya hökumətinin maliyyə dəstəyi ilə "GƏLƏCƏK NAMINƏ"
təşkilatı tərəfindən yaradılıb və hal-hazırda fəaliyyət göstərir.
KİTABXANADAN İSTİFADƏ QAYDALARI
Kitabxananın iş rejimi.
- İş vaxtı: Bazar ertəsi – Cümə günü 9:00 – 18:00
- İstirahət günləri: Şənbə, Bazar və Azərbaycan Respublikasının
qanunvericiliyində nəzərdə tutulmuş digər qeyri iş günləri.
KİTABLARIN VERİLMƏSİ
- Kitabları götürən zaman oxucu mütləq şəxsiyyəti təsdiq
edən sənədi girov qoymalıdır.
- Universitetin tələbə və işçilərindən başqa digər kənar oxuculara kitablar ancaq kitabxananın oxu zalında istifadə üçün verilir.
- Kitabı götürən zaman oxucu kitabda olan nöqsanlar barədə
əvvəlcədən kitabxanaçıya məlumat verməlidir. Əks halda
kitabı qaytaran zaman, kitabda olan bütün nöqsanlara oxucu
cavabdeh olacaq.
Ödəniş.
Kitabxana resuruslarından istifadə pulsuzdur.
KİTABXANANIN YERLƏŞDİYİ ÜNVAN
Azərbaycan, Bakı şəhəri, 370001, İstiqlaliyyət küç. 6,
Azərbaycan Dovlət İqtisad Unversiteti, 1-ci mərtəbə, Oxu zalı.
09.01.06 11:53 /
23.02.06 12:35
|
