21.04.2004. :. Kitab.az – “Kitabxana” nominasiyasının qalibi
18 aprel 2004 il tarixində Azeronline Ltd. Bm şirkəti “Webmaster 2004” müsabiqəsinin qaliblərini elan etmişdir.
Müsabiqə Azercell Telecomun sponsorluğu və “Internet News” qəzeti, “IT Magazine” jurnalı, habelə “Milli Byte” televiziya proqramının informasiya dəstəyi ilə keçirilmişdir.
Münsiflər heyəti İT sektorunun görkəmli xadimlərindən ibarət idi. Gizli səsvermə nəticəsində qeydiyyatdan keçmiş 145 veb-səhifədən 9–u müxtəlif nominasiyalar üzrə (İT, Tarix və Ölkəşünasliq, Elm və Təhsil, Kitabxana, Mədəniyyət, İdman, KİV, Əyləncə, Fərdi Səhifələr) “Webmaster 2004” adına laiq görülmüşlər.
Kitab.az – Elektron Kitabxana Şəbəkəsi layihəsi bu müsabiqədə “Kitabxana” nominasiyası üzrə birinci yeri tutmuşdur. Qaliblərinin mükafatlandırılması mərasimi Azərbaycan Estrada ulduzlarının iştirakında, bayram əhval-ruhiyyəsi ilə həyata keçirilmişdir.
Bu layihə EksonMobil Korporasiyasının törəmə şirkəti olan Ekson Azərbaycan Əməliyyat Şirkəti MMM-in (Ekson Azərbaycan) yardımı ilə GN İnformasiya Texnologiyaları təşkilatı və
Azərbaycan Dövlət Iqdisad Universiteti
tərəfindən həyata keçirilir. Layihəyə təşkilati dəstək isə
Gənclər, Idman və Turizm Nazirliyi
və IREX-IATP təşkilatı tərəfindən göstərilir.
Əsas məqsəd: Azərbaycanın aparıcı ali təhsil ocaqlarının kitabxanalarından və eləcə də Azərbaycan müəlliflərinin müxtəlif mövzularda və dillərdə olan kitablarından sərbəst istifadəsi üçün şərait yaratmaqdır.
